Jón Pétur Zimsen, aðstoðarskólastjóri og Hermundur Sigmundsson, prófessor hafa báðir verið óþreytandi í að benda á mikilvægi þess að gerðar verði úrbætur á núverandi stefnu í menntamálum hér á landi. Hafa þeir báðir miklar áhyggjur af leskilningi og félagsfærni íslenskra barna en rannsóknir sýna að þau komi vægast sagt illa úr samanburði við nágrannaþjóðir okkar. Þeir félagar brenna mjög heitt fyrir þessum málaflokki og eru hoknir af reynslu. Það er því hrein unun að heyra þá ræða hugmyndir sínar og áherslur.