Lífsleikni 2.0 er samansett af Kristjáni Gilbert, Gumma Emil og Kristjáni Þórðarsyni. Þættirnir fjalla um mikilvægasta málefni fyrr og síðar sem er heilsan okkar og hvernig við getum hámarkað hana. Vinirnir eru miklir áhugamenn um heilsu og hafa verið með þráhyggju fyrir þessu málefni í yfir áratug. Farið verður á dýptina um bæði andlega og líkamlega heilsu frá mismunandi sjónarmiðum. Hvaða tæki og tól er hægt að nýta sér í nútíma samfélagi til að bæta heilsuna og lengja lífið. Áskoranir og tilraunir eru gerðar á strákunum með nýjum uppgötvunum, nútíma tækni og mælingum. Hvatningar til hlustenda til að hámarka lífsgæðin sín og gestir eru velkomnir til að ræða mismunandi málefni sem tengjast heilsunni. Málefnin eru matreidd ofan í hlustendur á einfaldan og skiljanlegan máta, á léttum og skemmtilegum nótum.

Fyrirvari:
Velkomin í Lífsleikni 2.0! Við viljum taka það fram að allt sem að kemur fram í þessum þætti er byggt á okkar eigin upplifunum og hvernig við túlkum vísindin. Við erum ekki vísindamenn og mælum við með að fólk geri sína eigin rannsóknar vinnu á málefnum þáttarins. Einnig erum við alltaf opnir fyrir ábendingum og leiðréttingum sem eiga við.