Samkvæmt lögum um jafna meðferð á vinnumarkaði er m.a. ólöglegt að mismuna umsækjendum um störf á grundvelli aldurs. Á þetta reyndi fyrir dómi í fyrsta sinn í mars sl. Héraðsdómur Reykjavíkur komst þá að þeirri niðurstöðu að umsækjanda um kennarastöðu við framhaldsskóla hefði verið mismunað á grundvelli aldurs og voru honum dæmdar miskabætur vegna þess. Fjártjón var þó ekki viðurkennt. Stefnandi málsins, Stefán Erlendsson, er gestur Evu Hauksdóttur í þættinum Til hlítar.