Ritstjóri Heimildarinnar sem hefur réttarstöðu sakbornings í rannsókn lögreglu á brotum gegn Páli Steingrímssyni fullyrðir í leiðara að engin byrlun hafi átt sér stað og engin eitrun. Það hafi sem sagt bara verið hrein tilviljun að Páll hafi veikst harkalega og lent á gjörgæslu á sama tíma og síma hans var stolið og hann fengin starfsmönnum RÚV í hendur. Það er þá væntanlega einnig hrein tilviljun að RÚV hafi, áður en byrlunin átti sér stað, keypt sérstakan síma til að geta afritað síma Páls á meðan hann lægi a spítalanum. Þetta er það sem fjölmiðillinn Heimildin vill sannfæra almenning um. Fjölmiðill í sannleiksleit.