Vaxtaákvörðun í næstu viku og spenna að hlaðast upp fyrir hana enda skiptir það hlutabréfamarkaðinn miklu. Ritstjórarnir Jón G. Hauksson og Sigurður Már Jónsson ræða þetta og önnur tíðindi vikunnar í íslensku Kauphöllinni. Meðal annars að nýtt félag hefur boðað komu sína í Kauphöllina og af hverju loðnubrestur skiptir Kauphöllina meiru en þjóðfélagið. Í seinni hluta þáttarins kemur Benedikt Gíslason, bankastjóri Arion-banka, í þáttinn beint af ráðstefnu um fjármálaþjónustu framtíðarinnar. Ritstjórarnir fara yfir það með Benedikt hvaða breytingar eru fram undan og stöðu bankarekstrar á Íslandi. Efnismikill þáttur að venju.