Aðalbjörn Tryggvason, eða Addi í Sólstöfum, hefur marga fjöruna sopið en hljómsveit hans hefur á undanförnum áratug spilað á öllum helstu rokkhátíðum heims. Sólstafir er ein sú íslenskra hljómsveita sem starfar mest á erlendri grundu og eru tónleikaferðirnar um heim allan orðnar alltof margar til að hægt sé að telja þær. Addi hætti sjálfur að drekka fyrir 10 árum síðan og segir það vera eitt það besta sem hafi nokkurn tíman hent hann.