Einkaþjálfarinn Rakel Hlynsdóttir er nýjasti gestur Spjallsins með Frosta Logasyni. Hún býður upp á námskeið fyrir stelpur sem vilja taka líf sitt í gegn. Hún byggir það á sinni eigin persónulegu reynslu þar sem hún þurfti sjálf að ná sér upp úr þunglyndi og kvíða þegar hún var komin í mikla yfirþyngd og langaði á tímabili í raun ekki að lifa lengur. Rakel hætti að drekka og fór að taka meiri ábyrgð á heilsu sinni og lífið fór að blómstra. Frábær fyrirmynd sem veit um hvað hún er að tala.