Snorri Másson er nýjasti gestur Spjallsins með Frosta Logasyni. Hann ræðir hér um sín áherslumál og fer um víðan völl. Miðflokkurinn hefur í kosningabaráttunni lagt til að landsmenn fái sjálfir að ákveða til hvaða fjölmiðla útvarpsgjaldi þeirra sé varið og Snorri rökstyður hér hvers vegna sú hugmynd ætti að verða öllum til góðs. Hann vill leggja niður fjölmiðlanefnd og telur rekstur ríkisins á vínbúðum hljóta að þurfa endurskoðast í núverandi umhverfi. Hann ræðir einnig um kosningu Donald Trump í Bandaríkjunum og hvaða áhrif hann telji það geta haft á milliríkjaviðkipti Íslands og utanríkisstefnu. Þá ræðir hann einnig að sjálfsögðu um íslenska tungumálið sem hann vill að íslensk stjórnvöld verndi og hlúi að eins vel og kostur er.