Bergþór Ólason, þingmaður Miðflokksins, er nýjasti gestur Spjallsins með Frosta Logasyni. Hann segir venjulegt vinnandi fólk löngu búið að missa húmorinn fyrir rétttrúnaðarruglinu sem stóru fjölmiðlarnir bera á borð fyrir okkur og margir stjórnmálamenn elti á röndum. Bergþór telur almenning vilja að stjórnmálin leggi áherslu á raunheimavandamál eins og verðbólgu, vexti, húsnæðismál og orkuskort í stað þess að eyða orku í ókyngreind klósett og loftslagsmál.