Árið 2009 ákvað Ingimar Hansson að höfða dómsmál gegn erlendu fyrirtæki til innheimtu ógreiddra reikninga. Það sem í fyrstu virtist einfalt innheimtumál snerist fljótt upp í deilur um gildi sönnunargagna. Kostnaðurinn jókst og þótt Ingimar sé ólöglærður ákvað hann að spara lögmannskostnað og reka dómsmálið sjálfur. Ingimar hefur nú gefið út bókina “Réttlæti hins sterka” þar sem hann greinir rekstur dómsmáls út frá sjónarhorni ólöglærðs borgara. Í þættinum til Hlítar segir Ingimar frá reynslu sinni af dómskerfinu, sem hann telur langt frá því að vera lítilmagnanum vinsamlegt.