Hermann Guðmundsson, framkvæmdastjóri Kemi, er nýjasti gestur Spjallsins með Frosta Logasyni. Hann byrjaði með tvær hendur tómar en vann sig upp í íslensku viðskiptalífi. Ferill hans hófst á Hótel Holti árið 1978 en þar starfaði hann sem þjónn í sjö ár áður en hann hóf störf hjá Myllunni. Árið 1994 stofnaði hann sitt eigið fyrirtæki og síðar keypti hann í félagi við aðra Bílanaust og tók sjálfur við rekstri þess sem framkvæmdarstjóri. Þaðan lá leið Hermanns svo í Olíufélagið þar sem hann varð síðar forstjóri N1. Í dag er Hermann, sem fyrr segir, framkvæmdastjóri Kemi og jafnframt stærsti eigandi þess félags.